Казан урамында кызылга чыгып барганда, бер хатын-кыз һәлак була
Фаҗигане күргән кешеләр әйтүенчә, хатын-кызга 50 яшьләр тирәсе булган.
Фаҗигане күргән кешеләр әйтүенчә, хатын-кызга 50 яшьләр тирәсе булган.
Казанда светофорның кызыл уты янганда юл аша чыккан хатын-кызны машина бәрдергән. Бу хакта «Татар-информ» агентлыгына ТР буенча Эчке эшләр министрлыгының матбугат хезмәтеннән хәбәр иткәннәр.
«Авария кичә кичке сигезләр тирәсендә Декабристлар урамындагы 2нче йорт каршында булган. Башлангыч мәгълүматлар буенча, хатын-кыз светофорның кызыл уты янган вакытта юл аркылы чыккан», - дип искәрттеләр ведомствоның матбугат хезмәтендә.
Җәяүле алган җәрәхәтләрдән шунда ук үлгән.
Фаҗигане күргән кешеләр әйтүенчә, хатын-кызга 50 яшьләр тирәсе булган. Урында ЮХИДИ инспекторлары эшләгән. Авариянең сәбәпләре ачыклана.
Чыганак: Татар-информ
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар