Казан вертолетлары Россия Оборона министрлыгына тапшырылган

"Россия вертолетлары" холдингы үз техникасын һәрдаим камилләштерергә тырыша. Хәзерге вакытта Россиянең Оброна министрлыгы мөрәҗәгате буенча, Ми-8МТВ-5-1 вертолетлары модернизацияләнә. Машинаны пилотаж-навигация һәм радиоэлектрон җиһазлар белән җиһазландыру, аңа ярдәмче көч җайланмасы кую каралган. Шуның нәтиҗәсендә без хәрби ведомствога камилләштерелгән югары сыйфатлы вертолет тәкъдим итәчәкбез", - ди "Россия вертолетлары" холдингының сату буенча генераль директор урынбасары Владислав Савельев.

Ми-8МТВ-5-1 хәрби-транспорт вертолеты Россиянең төрле көч структураларына тапшырыла. Ул 4 тоннага кадәр авырлыктагы йөкне һәм техниканы күчерә ала. Бу вертолетлар эзләү-коткару операцияләре һәм башка максатларда да кулланыла. Алар заманча элемтә комплекслары белән җиһазланган.