Казан янында атышканнар

Казан янында, Биектауда атышлы бәрелеш булган. Бу хакта социаль челтәрләр хәбәр итә.

Әлеге мәгълүматны «Татар-информ» мәгълүмат агентлыгына хокук саклау органнарындагы чыганак та раслаган.

Агентлык язганча, бүген төнлә Биектау сәүдә үзәкләренең берсе янында атышлы бәрелешү булган.

Полиция хезмәткәрләрен әлеге хәл урынына шаһитлар чакырткан. Хәзерге вакытта биредә катнашучыларның шәхесләре ачыклана.

Фото: pixabay.com