#Кыскача яңалыклар 03 июня 2019, 16:18

Казан юлларын шампунь белән юалар

03 июня 2019, 16:18

Казан юлларында бозлавыкка каршы реагент кулланганнан соң, шампунь белән юып чистартканнар. Тышкы төзекләндерү комитеты рәисе Игорь Куляжев мэриядә узган эшлекле дүшәмбе киңәшмәсендә шул хакта хәбәр итте.

Скопировать ссылку

21 миллион квадрат метрдан артык мәйданда урамнар чистартылды, шуның 12,5 миллион квадрат метрын, бозлавыкка каршы реагент калдыкларыннан чистарту өчен, махсус шампунь белән юдык», - диде Игорь Куляжев.

Юлларга «Экояз» экологик ике айлыгы кысаларында 60 литр шампунь сарыф иткәннәр. Казанда шулай ук юл билгеләрен, җәмәгать транспорты тукталышларын (һ.б.) чистартканнар.

Апрель-май айларында шәһәрдә 50дән артык санкцияләнмәгән чүплекне юк иткәннәр. Аларның иң зурлары Зәңгәр күл, Каенлык янында, Киндерле, Кадыш торак массивларында ачыкланган. «Экояз» экологик ике айлыгы кысаларында Казаннан 12,5 мең «КАМАЗ» машинасы чүп-чар чыгарып түккәннәр. Ягъни бу вакытта полигоннар калдыкларны гадәттәге көннәргә караганда 20 процентка күбрәк кабул иткән.

Татар-информ