Казанда олы яшьтәге хатын күпердән егылып төшкән

11 май иртәсендә, 06.16да 112 ашыгыч хезмәтләрне чакыруның бердәм номерына Ямашев проспектындагы өченче транспорт дамбасы күпереннән Казансу елгасына хатын-кызның егылып төшүе турында хәбәр килеп ирешә.
06.36да коткаручылар күпердән 150 метр ераклыкта 67 яшьлек хатын-кызны табып елга ярына алып чыкканнар. Зыян күрүчене ашыгыч ярдәм табибларына тапшырганнар, хатын-кызны 7 нче шәһәр хастаханәсенә илткәннәр.

Фото: Россия Гадәттән тыш хәлләр министрлыгының ТР буенча Баш идарәсе матбугат хезмәте.