#Кыскача яңалыклар 30 гыйнвар 2023, 14:09

Казанда психиатрия хастаханәсендә мәҗбүри дәваланудагы ике җинаятьче качкан

30 гыйнвар 2023, 14:09

Казанда мәҗбүри дәвалануда булган ике ир-атны эзлиләр. Алар психиатрия хастаханәсеннән качкан, дип хәбәр итә Казан буенча Россия Эчке эшләр министрлыгының матбугат хезмәте.

Скопировать ссылку

Беренчесенең исеме Артем Павлов, аңа 37 яшь, буе 190 см тирәсе, соры-зәңгәр күзле, җилкәсендә татуировкасы бар.

Икенче качкын - 31 яшьлек Дмитрий Колупаев, аның буе 170-175 см, уртача гәүдәле, кул бармакларында берничә балдак һәм хәрефләр рәвешендәге татуировкасы бар.
"Татар Информ" мәгълүматлары буенча, ике ир-ат та авыр җинаятьләрдә гаепле дип табылган һәм суд карары буенча мәҗбүри дәвалануда булганнар.

Әлеге кешеләрнең кайда булуы турында мәгълүматка ия булучыларга 8-843-291-28-88 телефоны буенча мөрәҗәгать итүләрен сорыйлар.

Казанда психиатрия хастаханәсендә мәҗбүри дәваланучы ике җинаятьче качкан