Казанда сатучы кыз үтерелгән

Кичке 10нар тирәсендә бер ир-ат "Альпари" кибетенә кереп, 22 яшьлек сатучы кызга пычак белән кадаган. Әлеге коточкыч хәлнең шаһитлары полицейскийлар чакырткан, алар җинаятьчене тоткарлаган. Ә менә Ашыгыч ярдәм табиблары кызны коткарып кала алмаган, ул урында ук җан биргән. Әлегә җинаятьченең үтерелгән кыз белән таныш булу-булмавы әйтелми. Соңгы мәгълүматлар буенча, кулга алынган ир-ат психиатрда исәптә тора.

Россия Эчке эшләр министрлыгының Казан буенча идарәсе хәбәр итүенчә, әлеге очрак буенча бүген "Кеше үтерү" маддәсе буенча җинаять эше кузгатылган, аның буенча барлык материаллар Тикшерү комитетына тапшырылган.