Казанда өстәмә дүрт вакцинация пункты ачыла

Бу хакта Татарстан Республикасы сәламәтлек саклау министры урынбасары - шәһәрнең сәламәтлек саклау идарәсе башлыгы Владимир Жаворонков хәбәр итте.
Шулай итеп, яңа прививка пунктлары Ленин исемендәге мәдәният йортында, шулай ук "Мәскәү", "Залесный" һәм "Сайдаш" мәдәни үзәкләрендә ачылды. Монда халыкны учреждениеләрнең эш графигы буенча вакцинацияләчәкләр.
"Халыкның кызыксынуын карарбыз. Бәлки, активлык нәтиҗәләре буенча без бу үзәкләрдә эшләү вакытын җайларбыз", - дип билгеләде Жаворонков.

Билгеле булганча, Россия президенты Владимир Путин Россиядә вакцинацияләү темпларын көчәйтергә, халык арасында аңлату эшләрен активлаштырырга чакырды.