Казанда татар милли аш-су осталары бәйгесе үтәчәк

Анда аш-су пешерүчеләр милли ризыкларны әзерләү буенча һөнәри осталыкта ярышачак. Бәйге Казан һәм Татарстанның Рестораторлар һәм отельерлар ассоциация­се тарафыннан Бөтендөнья татар конгрессы, Казан мэриясе белән берлектә оештырыла. Чараның максаты - бүгенге чорда татар милли аш-суының сыйфатын күтәрү, популярлаштыру.

Бәйге Ленин һәм Халыклар Дуслыгы ордены бүләкләре лауреаты, татар кулинариясе буенча бик күп китаплар авторы Юныс Әхмәтҗановның тууына 90 ел тулуга багышлана.