Казанда янә Владимир Путинны көтәләр

«Реальное время» язганча, Россия Президенты Владимир Путин августның 20ләрендә Казанга килергә җыена. 
«Казан Экспо» мәйданчыгында Путинның визитына әзерләнә дә башлаганнар. Аңа кадәр күргәзмә үзәгендә Сак федераль хезмәте һәм башка көч структуралары вәкилләре киләчәк. 
Исегезгә төшерәбез: 20 майда Татарстан Президенты Рөстәм Миңнеханов Путинга, август аенда республикада ТАССРның 100 еллыгы уңаеннан тантаналы чаралар узачагын әйтеп, бәйрәмгә Владимир Путинны да чакырган иде. Путин чакыруны кабул итте.