Казанда яшь инспекторлар ярыша

Казанда ярышлар инде өченче тапкыр үткәрелә. Беренче тапкыр ул моннан утыз ел элек – 1986 елда булган. Икенче тапкыр егерме елдан сон оештырганнар. Быел исә укучылар иң яхшы инспектор исеменә “Казан Экспо” халыкара күргәзмәләр үзәгендә сыналачак.

-Әлеге бәйге безнең республика өчен инде традицион чарага әйләнеп бара. Безнең командаларның Бөтенроссия һәм Европа бәйгеләрендә җиңүләре күп. Ышанам, без юристлар рәтен дә тулыландырырбыз, - диде бәйгенең тантаналы ачылышында Татарстан Республикасы Премьер министры Алексей Песошин. 

Ярыш вакытында яшьләр велосипед йөртү буенча осталыкларын күрсәтәләр, юл йөрү кагыйдәләре, беренчел ярдәм күрсәтү буенча белемнәрен сынаячаклар.