Казанда яшь ярымлык сабый дүртенче кат тәрәзәсеннән егылып төшкән

Бала "Победа" кибетенең түбәсенә төшкән. Аны тагын да җәрәхәтләр алудан саклау өчен, әлеге йортта яшәүче яткан килеш, коткаручылар килгәнче тотып торган.
Коткаручылар баланы табибларга тапшырганнан соң, ул Республика балалар клиник хастаханәсенә озатылган. Аның хәле авыр дип бәяләнә, башына зыян килгәнлеге билгеле.

Сабый егылып төшкән вакытта өйдә әти-әнисе булмаган, бары 13,11, 4 яшьлек туганнары гына булган.