#Кыскача яңалыклар 03 май 2018, 16:14

Казанда «Яшел фитнес» бушлай спорт проекты старт ала

03 май 2018, 16:14

12 майда казанлылар һәм шәһәр кунаклары өчен «Яшел фитнес» бушлай спорт проекты старт ала. Экология һәм табигый ресурслар мәсьәләләре буенча Татарстан Яшьләр хөкүмәте рәисе киңәшчесе, «Яшел фитнес» социаль-спорт хәрәкәте җитәкчесе Морат Димитров сүзләренчә, проект үз эченә 15 спорт юнәлешен ала.

Скопировать ссылку

– Йога, пилатес, скандинавия йөреше һәм башка юнәлешләр казанлылар өчен кызык булыр дип уйлыйбыз. Проектка профессиональ тренерларны җәлеп иттек. Быел «Яшел фитнес» проекты Россиянең 23 шәһәрендә старт алачак, – диде Морат Димитров «Татар-информ» агентлыгында узган матбугат конференциясендә.

Күнегүләр Казанның 10 мәйданчыгында (Горький исемендәге Үзәк мәдәният һәм ял паркы, Җиңү паркы, Таулар-Әмәт урманы, Урицкий, Комсомол мәйданы, Усаклык, Черек күл, Континент, Калейдоскоп һәм Крылья Советов парклары) үткәреләчәк.

Кызыклы яңалыкларны күзәтеп бару өчен Т елеграмга кушылыгыз.