5 февральдә Казанда болытлы һава торышы булачак, дип яза Казан мэриясе.
Синоптиклар юеш кар, яңгыр һәм пыскак яңгыр фаразлый. Шәһәрдә урыны белән томан көтелә. Җил көньяктан уртача, урыны белән көчәйгәндә секундына 15 метрга кадәр, көндез һава температурасы нульдән +2 градуска кадәр тибрәнәчәк. Юлларда урыны белән көчле бозлавык сакланачак.
Тулаем республика буенча юеш кар, яңгыр явачак, пыскак яңгыр, төнлә һәм иртән урыны белән томан, бозлавык көтелә. Җил көньяктан, көньяк-көнчыгыштан уртача, көндез урыны белән тизлеге секундына 15-20 метрга кадәр җитәргә мөмкин, көндез – минус 2-дән +3 градуска кадәр, дип хәбәр ителә ТР Гидрометеорология һәм әйләнә-тирә мохитне күзәтү идарәсе сайтында.
0
Комментарийлар