Казандагы атышта зыян күрүчеләрнең хәле ничек?

Татарстан Сәламәтлек саклау министрлыгында Казанның 175 нче гимназиясендә атыш вакытында зыян күрүчеләрнең сәламәтлеге турында сөйләделәр. Федераль медицина үзәкләрендә хәзер 8 кеше - 5 бала һәм 3 өлкән кеше дәвалана.
Бер бала бик авыр хәлдә, тагын өч баланың хәлен табиблар авыр дип бәяли, тагын бер укучы - уртача авырлыкта. Бер өлкән кеше авыр хәлдә, тагын икесе уртача авырлыкта.
Республика балалар клиник хастаханәсендә дәвалануда тагын 15 бала кала. Аларның хәле тотрыклы.