#Кыскача яңалыклар 04 мая 2020, 16:05

Казандагы авариядә бер кеше һәлак булган

04 мая 2020, 16:05

3 майда төнге сәгать 2 дә Магистраль урамындагы 136нчы йорт янында, 29 яшьлек егет «ВАЗ-2114» автомобилен йөрткәндә, идарәне югалта һәм юл читенә барып төшә. Биредә ул машинасы белән әйләнеп каплана.

Скопировать ссылку

Бу хакта безгә ТР Эчке Эшләр министрлыгында хәбәр иттеләр.

Юл-транспорт һәлакәте нәтиҗәсендә, 32 яшьлек пассажир егет каза урынында һәлак була. Машина йөртүче үзе исә, медицина ярдәме күрсәтелгәннән соң, өенә кайтып китә.

Беренчел мәгьлүматларга караганда, автомобиль сөюченең машина йөртү таныклыгы булмаган. Җитмәсә, руль артына ул салмыш хәлдә утырган, моны биредә булган шаһитләр раслый. Ләкин каза китереп чыгаручы медицина тикшерүе узудан баш тарткан. Хәзер әлеге һәлакәт буенча тикшерү бара. Фото: tatar-inform.tatar