Казанның бер паркында мәхәббәт аңлату өчен чәчәкләр салынган тартма барлыкка килде

Шәһәрлеләр, агачка беркетелгән тартмадан матур чәчәкне алып, очраган яки күптән таныш булган кешесенә бүләк итә алачак. Акцияне оештыручылар әйтүенчә, чәчәкләр беренче күрүдән гашыйк булган очракта кирәк булырга мөмкин. Бу хакта Казан мэриясе хәбәр итә. 

Акция дәвам итәчәк, дип хәбәр иттеләр Казанның Парклар һәм скверлар дирекциясендә.

Исегезгә төшерәбез, ТР башкаласы Мэриясе «Казан мәхәббәт турында кайгыртып» проектын башлап җибәрде. Шәһәр урамнарында кешеләрнең эмоциональ сүзләре һәм аларның психолог тарафыннан аңлатмалары язылган плакатлар пәйда булды.

Шулай итеп, плакатларда мондый сүзләрне күрергә мөмкин: 

«Сиңа дусларың миннән кадерлерәк» / «Әйдә вакытны бергә үткәрик. Бу минем өчен мөһим»; 

«Барысы да синең аркада!» / «Миңа җаваплылык алу авыр һәм сине гаепләү җиңелрәк»; 

«Мине тынычлыкта калдыр!» / «Миңа синең ярдәмең кирәк, ләкин мин синең алдыңда көчсез булып күренергә теләмим».