Халык онкология диспансерындагы чиратка зарлана

Зарлар социаль челтәрдә фотолар бергә чыккан. Аноним автор бүгенге вәзгыятьтә халыкның бу кадәр җыелуы сәер булуын язган.

ТР Сәламәтлек саклау министрлыгында бу хакта болай диделәр: “Сырхауханәдә чишенү бүлмәсе подвалда урнашкан. Планировка үзенчәлекләрен исәпкә алсак, чыннан да, биредә урын тар”. 

Әмма медицина учреждениесенә кергәндә, саклану чаралары үтәлә, тән температурасы тикшерелә икән. Коридорларда һәм регистратура каршында социаль дистанция саклау тамгалары бар. Министрлык пациентларга битлек киеп йөрергә, дистанция сакларга һәм кеше күп булган урыннарда сак булырга киңәш итә.

Чыганак: www.tatar-inform.ru