«Хастаханәләрдәге токсикология бүлекләре корпоративлардан соң тула башлый»

Хәзерге вакытта алар барысы да тулган. Бу хакта матбугат конференциясендә ТР Сәламәтлек саклау министрлыгының баш штаттан тыш белгече Алия Насыйбуллина хәбәр итте.

"Пациентларның күбесе беренче корпоративлардан соң мөрәҗәгать итә, - дип белдерде белгеч.
Татарстанлылар медицина учреждениеләренә спиртлы эчемлекләрдән агулану белән эләгә. Гадәттә, токсикология бүлекләре 10 гыйнварга кадәр тулы була, дип сөйләде Насыйбуллина.

Төп токсиколог сүзләренчә, Яңа ел бәйрәмнәренең иң төп проблемасы-күпләр бу вакытта запойга китә һәм, шуның аркасында, аларда бәйлелек башлана.