Хатын-кыз булып кыланган ир-ат, үзен кызгандырып, егетләрдән акча сорап яткан

Билгеле булуынча, ир танышулар сайтында теркәлгән һәм таныш булмаган кыз фотосын куйган. Биредә ул Баймакта яшәүчеләр белән хатын-кызларча аралашкан, акчасызлыкка зарланган.

Арада бер ир "кызга" 34 мең сум акча күчергән. Очрашуга "кыз" килмәгән, ә соңрак аралашудан да туктаган. Нәтиҗәдә, "кыз" 2 ел да 3 айга иректән мәхрүм ителгән.