#Кыскача яңалыклар 24 июля 2017, 11:55

«Китапка икенче тормыш бүләк ит!» хәйрия акциясендә һәркем катнаша ала

24 июля 2017, 11:55

28нче июльдән 28нче октябрьгә кадәр Татарстанда "Китапка икенче тормыш бүләк ит!" хәйрия акциясе узачак, дип хәбәр итә Казан мэриясе порталы. Шәһәр халкы китапханә фондларын дәреслекләр, фәнни-поуляр, матур әдәбият, белешмә әдәбият китаплары белән тулыландыра ала.

Скопировать ссылку

Мәктәп китапханәләренә әйбәт халәттәге дәреслекләр, мәктәп программасы буенча матур әдәбият китаплары бүләк итәргә мөмкин. Акция нәтиҗәләре мәктәп, муниципаль һәм республика дәрәҗәсендә 28-нче октябрь - Халыкара мәктәп китапханәләре көнендә уздырылачак.

Алдынгы мәктәпләргә, алдынгы сыйныфларга һәм зур өлеш керткән аерым затларга Татарстан Республикасының Мәгариф һәм фән министрлыгы тарафыннан рәхмәт хатлары тапшырылачак, дип хәбәр итә идарәчелек матбугат хезмәте.