16+

Коллегабыз Инстаграмда «Әниләр марафоны» оештыра

8 март — Халыкара хатын-кызлар бәйрәме көнне Инстаграм социаль челтәрендә өченче тапкыр «Әниләр марафоны» старт ала. Аны ике бала әнисе, "Шәһри Казан" журналисты Динара Әхмәт оештыра.

Коллегабыз Инстаграмда «Әниләр марафоны» оештыра

8 март — Халыкара хатын-кызлар бәйрәме көнне Инстаграм социаль челтәрендә өченче тапкыр «Әниләр марафоны» старт ала. Аны ике бала әнисе, "Шәһри Казан" журналисты Динара Әхмәт оештыра.

Марафонның максаты — әниләр өчен туган телебездә аралашу мәйданы, тәрбия, сәламәтлек, психология буенча татарча файдалы контент булдыру.

Марафонда катнашучылар 21 көн дәвамында оештыручы биргән темага үз аккаунтларында язмалар урнаштырырга тиеш булачак.

«Мин быел уздырмам да, дип уйлаган идем. Ләкин алдагы елларда катнашучылар һәм шундый марафон барлыгын белеп алган әниләр сорагач, тагын оештырып алырга булдым. Аннары тәҗрибә уртаклашу, үзара аралашу һәммәбез өчен дә файдалы. Узган ел, пандемия аркасында, йомгаклау чарасын уздырып булмады. Быел әниләр белән очраша алырбыз, дип өметләнәм. Аеруча декрет ялында утырган әниләрнең күрешеп аралашу мөмкинлеге булсын иде. Ял да кирәк бит», — диде Динара Әхмәт.

Марафонда инде әби булган әниләр дә катнашачак. Алар оештыручының шушы яңалык турындагы язма астына, катнашу теләген белдереп, комментарийлар калдырган. Быелгы марафонда бераз үзгәрешләр булачагын да әйтте Динара. «Бөтен серләрне дә ачып бетермим. Барлык әниләрне дә катнашырга чакырам. Без — туган телебезне саклаучы иң мөһим кешеләр. Шуны онытмыйк», — диде ул. 

Чыганак: "Татар-информ"

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading
2
X