#Кыскача яңалыклар 01 декабря 2022, 10:32

Кондуктор мәктәп баласын автобустан төшереп калдырган

01 декабря 2022, 10:32

Кичә көндез булган әлеге хәл турында «Татар-информ» агентлыгына V сыйныф укучысының әнисе сөйләде.

Скопировать ссылку

Кичә көндез булган әлеге хәл турында «Татар-информ» агентлыгына V сыйныф укучысының әнисе сөйләде.

Хатын-кыз сүзләреннән билгеле булганча, аның улы «Бадминтон үзәге»нә тренировкага барган. «Даурия урамы» тукталышында 37нче автобуска утырган.

«Улым автобуска утыргач, кондукторга укучы картасын сузган. Анда 4 сум гына калуы ачыкланган. Ул миңа шалтырата алмаган – чөнки үзе белән телефоны булмаган. Нәтиҗәдә, кондуктор аны алдагы тукталышта автобустан төшереп калдырган», - дип сөйләде мәктәп укучысының әнисе.

Шуннан соң малай «Рихард Зорге урамы» тукталышыннан «Бадминтон үзәге»нә кадәр җәяү барган.

Малайның әнисе сүзләренчә, ул ТР Транспорт предприятиеләре ассоциациясенә әлеге хәлне тикшерүне сорап дәгъва хаты язган инде.

Чыганак - "Татар-информ"