Конституциягә үзгәрешләр кертү буенча тавыш бирү 3 млн га якын кеше катнашуы көтелә

Конституциягә үзгәрешләр кертү буенча тавыш бирүләрнең нәтиҗәләре 5 июльдә ясала. ТР Үзәк сайлау комиссиясе рәисе Андрей Кондратьев шулай дип белдерде. 

- Татарстан буенча нәтиҗәләрне - 3 июльдә, ә Россия буенча 5 июльдә ясаячакбыз, - диде ул. 

Бу тавыш бирүләрдә 3 млн га якын кеше катнашуы көтелә. Аларның барысы да шәхси саклану чаралары (битлек, перчатка) белән тәэмин ителәчәк. 

Сүз уңаеннан, 1 июльдә - Конституциягә үзгәрешләр кертү буенча Бөтенроссия тавыш бирү көнендә, Казанда Үзәк сайлау комиссиясенең Мәгълүмат үзәге ачыла. Аның ярдәмендә журналистлар һәм республика халкы сайлаулар белән бәйле мәгълүмат белән таныша алачак.

Лилия Локманова