Корбан Бердыев тренерлык эшенә кайта. Үзенең элеккеге клубына!

Танылган тренер Корбан Бердыев ике ел тәнәфестән соң янә тренерлык эшенә кайта. Шушы көннәрдә аны Алма-Атаның "Кайрат" клубы баш тренеры итеп билгелиячәкләр. Әлегә кадәр ул шушы ук клубта клуб җитәкчесенең киңәшчесе булып эшләде. Шунысы да бар, Бердыев биредә 1994-1995 елларда эшләгән иде инде. "Кайрат"та аның ярдәмчесе булып Дмитрий Кириченко билгеләнер дип көтелә.

Әлбәттә, Корбан Бердыев "Рубин"да эшләп зур танылуга ия булды. Казан командасы белән ул ике тапкыр Россия чемпионаты отты, Суперкубокны отты, Европа ярышларында танылган командаларны отуга иреште.

Казахстан чемпионатында "Кайрат" әлегә өченче урында бара.

Бу хакта sports.ru хәбәр итә.