Коронавирус белән авырган Өлфәт Мостафин вафат булган

Уфа мэры Өлфәт Мостафин вафат булган. Бу хакта Башкортстан башлыгы Радий Хәбиров "Башинформ"га хәбәр иткән. Шәһәр җитәкчесе 35 көн дәвамында авырганнан соң бакыйлыкка күчкән.

Кичә "Башинформ" Башкортстан башлыгы Радий Хәбировның Өлфәт Мостафинның чыннан да авыруын, ковид ачыклануын һәм пневмония белән авырганлыгын раславы турында хәбәр җиткергән иде. Агентлыкка биргән аңлатмасында Хәбиров Мостафинның мэр гына түгел, ә якын иптәше булуын да искәртеп, тиз арада терелүенә өмет белдерүен җиткергән иде.

Мәрхүмнең авыр туфрагы җиңел булсын!