Коронавирус буенча спаслылар рекорд куя

Пандемия игьлан ителгәннән бирле, «коронавирус инфекция»се диагнозы 6367 кешегә куелган.

Узган тәүлектә Татарстанда коронавирус белән чирләп китүнең 29 яңа очрагы теркәлгән. Алар барысы да элемтә аша. Бу хакта ТР Сәламәтлек саклау министрлыгының матбугат хезмәте хәбәр итә.

"Җиде кеше хастаханәгә озатылган, 22 кеше өйдә дәвалана", -диелә аларның хәбәрендә.

Авыручылар арасында 30 дан 50 яшькә кадәргеләр- 11, шулай ук 50 дән 60ка чаклылар - алты кеше.

Һәрвакыттагыча, нигездә бу казанлылар - 20 пациент. Яңа очраклар буенча икенче урында Спас районы - дүрт һәм Нурлат районы, биредә өч авыру ачыкланган.

Барлык чорда 5207 пациент әлеге чирдән савыккан, шул исәптән 43 кеше - соңгы тәүлектә.