Коронавирус: Элемтәләрне өзү өчен 14 көн генә җитми

Роспотребнадзор җитәкчесе  Анна Попова Россиядә коронавирус инфекциясе таралу куркынычы янаганга, ял көннәрен озайтырга тәкъдим итте, дип яза "Интерфакс". 

"Вирусның инкубация өлеше - 14 көн. Элемтәләрне өзү дә 14 көн булырга тиеш, әмма бу гына да җитми, кайбер очракларда тагын да күбрәк вакыт кирәк булуы ихтимал", - ди Попова. 

Аның сүзләренчә, күрелгән чараларның нәтиҗәсе бар, әмма таләпләрне үтәмәгәндә нәтиҗә бер мизгеллек кенә булырга мөмкин. Шуңа да бер атналык ял дан соң үзизоляцияне дәвам итәргә кирәк, дип белдергән белгеч.