Коронавирус Татарстаннан китәргә уйламый да

Соңгы тәүлек эчендә Татарстанда коронавирусның 30 яңа очрагы ачыкланган. Аларның 27е - әлеге чир белән авыручылар белән элемтә аркасында, ә 3есе - читтән кайткан. 22 хастада әелег инфекция җиңелчә формада уза, 8 кеше исә хастаханәгә озатылган.

Яңа очракларның күпчелеген 30 дан 50 яшькә кадәрге яшь төркемендә, 10 очрак ачыклаган. 60 тан 70 кә кадәр - 5 очрак, 4ешәр - 18 дән 30 га кадәр һәм 50 дән 60 яшькә кадәрге төркемнәрдә, 70 тән 80 яшькә кадәр - 3 очрак, 80 дән 90 - 2 авыру расланган. Шулай ук COVID-19 2 балага да йоккан.
Казанда соңгы тәүлек эчендә коронавирусның 9 очрагы ачыкланган,

Чаллыда - 4. Югары Ослан, Лаеш, Питрәч районнарында 3ешәр очрак, Әлмәт районында - 2, Бөгелмә, Алабуга, Яшел Үзән, Түбән Кама, Саба, Тукай районнарында берешәр очрак расланган.
Татарстанда ковид белән чирләүчеләрнең гомуми саны 5278 кә җиткән.

Фото: pixabay.com