"Коронавирусның өченче дулкыны алдында торабыз"

Бу хакта журналистларга Татарстан сәламәтлек саклау министрлыгының иммунопрофилактика буенча баш белгече, баш эпидемиолог Дмитрий Лопушов белдерде. 

- Авыручылар саны буенча статистикага күз салсак, без коронавирусның өченче дулкыны алдында торабыз. Чирләүчеләр саны кимеми, киресенчә, үсешкә таба бара. Моннан чыгуның бердәнбер юлы - вакцинация. Бездә иң күп авыручылар унсигез яшьтән алып. Һәркемдә төрлечә үтә. Дөрес, без саклану чаралары хакында да оныттык. Менә шул фактор үзенең тискәре нәтиҗәсен бирә, - дип ассызыклады спикер.