Ковидка антитәнчекләре булган иң күп затлар - укытучылар һәм тәрбиячеләр арасында
Татарстанда 2020 елның декабрендә узган яңа коронавирус инфекциясенә коллектив иммунитетны тикшерүнең өченче этабы күрсәткәнчә, тикшерелгәннәрнең 51 проценты COVID-19га карата антитәнчекләргә ия. Бу хакта ТР буенча Роспотребнадзор идарәсе җитәкчесе урынбасары Любовь Авдонина хәбәр итте.
Скопировать ссылку
Татарстанда 2020 елның декабрендә узган яңа коронавирус инфекциясенә коллектив иммунитетны тикшерүнең өченче этабы күрсәткәнчә, тикшерелгәннәрнең 51 проценты COVID-19га карата антитәнчекләргә ия. Бу хакта ТР буенча Роспотребнадзор идарәсе җитәкчесе урынбасары Любовь Авдонина хәбәр итте.
Тикшерү өч этапта узган - июньдә, сентябрьдә һәм декабрьдә. Республиканың барлык муниципаль территорияләреннән очраклы сайлап алу ысулы белән сайлап алынган 2 947 татарстанлыны тикшергәннәр. Белгеч искәрткәнчә, тикшерүнең беренче этабы нәтиҗәләре буенча 31 процент кешедә COVID-19га карата антитәнчекләр ачыкланган, икенче этапта - тикшерелгәннәрнең 45 процентында. Өченче этапта тикшерүдә катнашканнарның 51,2 процентында яңа коронавирус инфекциясенә карата антитәнчекләрнең булуы ачыкланган.
"Антитәнчекләр булган иң күп затлар - бу 56,4 процент - "укытучылар һәм тәрбиячеләр" категориясендә. Икенче урында мәктәпкәчә яшьтәге балалар бара - 54 процентка якын. Алга таба медицина хезмәткәрләре - 50 процент, мәктәп яшендәге балалар - 47,5 процент һәм студентлар арасында - 45 процент", - дип хәбәр итте Авдонина.
Вход на сайт
Язмага реакция белдерегез
Мөһим
loading
Комментарийлар