Куюкидагы балалар бакчасын коронавирус аркасында ябып торалар

«Светлый» торак комплексында «Алтын балык» балалар бакчасы эше туктатыла, диелә бу хәбәрдә. Бу коронавирусны таралуны булдырмау белән бәйле.

Шунысын билгеләп үтик, социаль челтәрләрдә Питрәч районының Куюки бистәсендәге балалар бакчасында COVID-19 йоктыруның ике очрагы турында хәбәр пәйда булды. Мәгълүмат әлегә расланмаган, тик коронавирус таралуны булдырмау максатларында бакчаны әлегә ике атнага ябарга булганнар. Бу чорда 1 июньгә кадәр бакча өчен ата-ана түләве тотылмаячак, дип хәбәр ителә.