Кырым күперендә исән калган кызны Мәскәүгә китергәннәр

Террорчылык акты вакытында исән калган мәктәп укучысы шок хәлендә була һәм озак вакыт әти-әнисенең исемнәрен искә төшерә алмый. Ул аларның үлгәннәрен дә аңламаган. Табиблар баланың тәненнән дистәләгән пыяла кисәкләрен чыгарган.

Кыз әле дә әти-әнисе үлүе турында һәм алар белән хушлашуда катнаша алмаячагын белми. Табиблар көчле стресс организмны торгызуга комачаулар дип курка. Кызның хәле тотрыклы дип бәяләнә. 

Киев хакимиятләренең бу терактка мөнәсәбәте турында 20 июль көнне Россия тышкы эшләр министрлыгының рәсми вәкиле Мария Захарова аңлатма бирде: «Киев бу һөҗүмгә Украина махсус хезмәтләренең катнашын таныды. Алар әти-әнисен югалткан, яраланган кызга «Азовец» балалар лагерына килергә тәкъдим итте. Һәм Ангелинаны ачыктан-ачык мыскыл итә башладылар. Аны ял итәргә чакыралар. Алар әлеге ятимәгә яңа әти-әни, Украин нацистларын табарга вәгъдә итте. Без шаккатабызмы? Шаккатыргыч та түгел инде».