#Кыскача яңалыклар 26 марта 2021, 13:21

Һәлак булган хоккейчының әнисе аның улына алка ыргыткан уенчыга мөрәҗәгать иткән

26 марта 2021, 13:21

Петербургның "Динамо"клубы хоккейчысы Тимур Фәйзетдинов үзенә эләккән шайба аркасында һәлак булган иде. Егетнең әнисе аның үлемендә Ярославль "Локомотив" уенчысын гаепләмәвен белдерде.

Скопировать ссылку

Елена Фәйзетдинова улына шайба ыргыткан хоккейчы Дмитрий Тювилин белән очрашырга теләве турында сөйләгән.
Тимур Фәйзетдиновның әнисе Елена: «Мин аңа (ред.:Тювилинга), аны гаепләмим, дип әйтергә теләр идем. Аңа да бик кыен. Минемчә, ул гаепле түгел, бу очраклылык. Мин аның белән шәхсән очрашырга телим".

Елена ассызыклаганча, бу очрашу әлегә булмаган, һәм Тювилин аңа "карарга куркадыр, мөгаен", дип фаразлады хатын.

Елена, Тимур Фәйзетдиновның әнисе: «Мин аның белән аңлашырга тырышам да инде. Мин аны берничек тә гаепләмим, дип әйтәсем килә. Хәзер ул минем улым өчен уйнарга тиеш. Тагын да яхшырак һәм көчлерәк булырга тиеш".

Ул улының үлеменнән соң тикшерүнең ни өчен үткәрелергә тиеш икәнен аңламавын да өстәде, сүз бәхетсезлек очрагы турында бара бит, ди хатын.
Фәйзетдинов март уртасында Яшьләр хоккей лигасы матчы вакытында "Локомотив" ка каршы уенда авыр тән җәрәхәте алды. Спортчының башына шайба эләкте, шуннан соң ул бозга ауды, аңын югалтты һәм комага китте.

19 яшьлек Фәйзетдиновны ашыгыч рәвештә реанимациягә китерделәр. Дүрт көннән хоккейчы вафат булган.

Кызыклы яңалыкларны күзәтеп бару өчен Телеграм-каналга кушылыгыз.