Әлки районында машина җир астына киткән

Язын юлсызлыктан, баткаклыктан интегүен авыл халкы үзе генә белә. Чираттагы хәл дә моңа ачык дәлил. 

Әлки районының Юхмачы авылында өр-яңа машина урамдагы чокырга төшеп китә. Язгы ташу вакытында мондый төр күңелсезлекләр әледән - әле кабатланып тора биредә.

Авыл халкы ничарадан-бичара булып, бу хәлне видеога төшереп, социаль челтәрләргә урнаштырган. 

Бәлки, шуннан соң Әлки районы хакимияте берәр чара күрер, безнең моң-зарларыбызны ишетер, ди алар.