Әлмәт районы Миңлебай авылы янындагы юл һәлакәте кеше үлеме белән тәмамланган

Әлмәт районы Миңлебай авылы янында килеп чыккан юл һәлакәте нәтиҗәсендә, машина йөртүче һәлак булган. Бу хакта социаль челтәрләрдә хәбәр ителә. 

Бүген, 6 гыйнвар көнне Әлмәт-Лениногорск трассасының 9 нчы чакрымында урнашкан Миңлебай авылы янында “КамАЗ” машинасы кювейтка төшкән.

Автомобильнең 1971 нче елгы йөртүчесе Әлмәт ягыннан килә торган булган. Фаразлар буенча, ул хәрәкәт өчен куркынычсыз тизлекне сайламаган һәм машина белән идарәне югалткан. Машина йөртүче руль артында йокыга киткән дигән фаразлар да бар. 

Һәлакәт нәтиҗәсендә, машина йөртүче кабинадан чыга алмыйча, һәлак булган. 

Фото: социаль челтәрләрдән алынды