Махсус хәрби операциягә үзирекле булып киткән депутат Эдуард Шәрәфиев өенә кайта

Махсус операциягә үзирекле булып киткән Татарстан Дәүләт Советы депутаты Эдуард Шәрәфиев хәбәр иткәнчә, аның өч айлык контракты тәмамланган. Ул гуманитар ярдәм китергән өч Татарстан вәкиле белән өенә кайта. 

Сүз Татарстан Җир һәм мөлкәт мөнәсәбәтләре министры Фәнил Әһлиуллин, ТР Конституция судының элеккеге рәисе Фәрхәт Хөснетдинов һәм ТР Дәүләт Советы Рәисе Секретариаты җитәкчесе Марат Хәсәнов турында бара. Алар «Ветераннар» батальонына тепловизорлар, бинокльләр, дроннар, радиостанцияләр алып килгән.