Мамадышта ике яшь егет югалган

10 апрель көнне Константин Базинов белән Дмитрий Смирнов көймәдә чыгып киткәннәр һәм кире әйләнеп кайтмаганнар.

Берсенең әнисе улының югалуы турында хәбәр итә. Аның сүзләренчә, егетләр моторны тикшереп карау өчен көймәдә чыгып китәләр һәм күпмедер вакыттан соң элемтәгә чыкмый башлыйлар. Берничә сәгатьтән эзләүчеләр Дмитрий Смирновның аяк киемен табып алалар.

Егетләр югалган көнне көн җилле булган һәм көймә көчле дулкынга түзә алмыйча капланган, дип яза "Нократ" газетасы сайты.

Фото: https://pixabay.com/