Марат Бәшәров хатыны белән аерылышкан

Бу хактагы карарны суд чыгарган. Бәшәровның юристы сүзләренә караганда, актерга алимент түләү буенча килешү җибәрелгән. Моннан тыш, аның әйтүенчә, уртак балалары хакына элекеге ир белән хатын яхшы мөнәсәбәтләрдә калачак.

Исегезгә төшерәбез, 2018 елның декабрендә матбугат чараларында Марат Бәшәровның хатыны борыны сынып, хастаханәгә эләккән, дигән хәбәр таралган иде. Хатынның абыйсы сүзләренчә, аны исерек хәлдә ире кыйнаган булган.