Март уятты!..

Ерткыч үзен яхшы хис итә, үсемлек азыгы белән туклана. Бу хакта Казан мэриясе яза.

Бүлек зооинженеры Наталья Петрова сүзләренә караганда, аю әле бераз йокылы, әмма хайваннар өчен бу кышкы йокыдан соң нормаль хәл. «Без аңа түшәмәне алыштырдык, дымлы саламны җыйдык, яңасын өстәдек. Фома күп вакытны урамда уздыра», – дип сөйләде белгеч.

Ерткычның рационында үсемлек азыгы күбрәк – алма, чөгендер. «Кыргый табигатьтә йокыдан соң аюлар актив рәвештә ашарга әзер түгел, тамыр, ботаклар ашыйлар. Соңрак рационга ит, балык өстәячәкбез», – дип хәбәр иттеләр зооботаника бакчасында .

Маша дигән аю әлегә кышкы йокысын дәвам итә. Енотларга килгәндә, алар йокыга бары тик көчле салкыннарда гына китә, дип сөйләделәр зооботаника бакчасында.