16+

Машина йөртүчеләр өчен яңа штрафлар кертелә

Россиядә 1 июньнән Юл хәрәкәте кагыйдәләренә яңа төзәтмәләр үз көченә керергә мөмкин.

Россиядә 1 июньнән Юл хәрәкәте кагыйдәләренә яңа төзәтмәләр үз көченә керергә мөмкин.

«Российская газета» хәбәр иткәнчә, әлеге төзәтмәләр җәйге яки кышкы тәгәрмәчне сезоннан тыш файдаланган өчен штрафка тартуны күздә тота.

2020 елның сентябрендә РФ Эчке эшләр министрлыгы норматив актлар проектлары порталында транспорт чараларын куллану тыела торган төзексезлекләр һәм шартлар исемлеге проектын урнаштырган иде. Аерым алганда, документ нигезендә автомобильләрдә җәйге тәгәрмәчне - кышын (декабрь, январь һәм февраль), кышкы көпчәкне җәй айларында (июнь, июль һәм август) куллануны тыярга тәкъдим ителә.

Юл хәрәкәте кагыйдәләрендәге үзгәрешләр 1 июньнән үз көченә керер дип планлаштырылды. Бу очракта кагыйдә бозучыларга РФ Административ хокук бозулар кодексының 12.5 маддәсе 1 өлеше буенча 500 сум күләмендә штраф яный. Әмма ил Хөкүмәте шул хактагы карарны әле дә булса имзаламаган.

Шул ук вакытта, югарыда телгә алынган исемлектә кышкы һәм җәйге тәгәрмәчкә карата таләпләрнең урын алуы Таможня берлегенең көпчәкле транспорт чараларының куркынычсызлыгы турындагы техник регламенты белән бәйле. Россия норматив документларында аның бу пункты берничек тә чагылыш тапмаган, дип искәртә басма.

Чыганак: "Татар-информ"

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading