Машина йөртүчеләр игътибарына : штрафлар 5 тапкырга арта

1 майдан тимер юл кичүендә юл хәрәкәте кагыйдәләрен бозган өчен штраф күләме биш тапкырга артачак. Элек бу сумма 1 мең иде.

Мондый штрафлар, аерым алганда, ябык яки ябыла торган шлагбаум вакытында тимер юл кичүеннән чыгучыларга, светофор сигналы яки кичү дә кизү торучының тыю сигналын үтәмәгән очракта салына. Шулай ук поезд якынлашканда юлны кисеп чыгу, туктап тору тыела.

Штраф урынына транспорт чаралары белән идарә итү хокукыннан өч айдан алып алты айга кадәр мәхрүм итү рәвешендә административ җәза кулланылырга мөмкин.