Мәче балаларыннан аш пешереп, этен ашаткан

Ростов өлкәсендә песи балаларыннан аш пешереп, эте белән мәчесен ашаткан хатын-кыз тоткарланган. "Интерфакс" хәбәр иткәнчә, пенсионер хатын 30 яшьлек кызы белән яши. Фатирларында мәче, эт һәм дистәләгән мәче баласын тотканнар. Соңгыларыннан аш пешереп, тиреләрен балконда киптергәннәр. Бу хәлне күршеләре сизеп алган, чөнки фатирдан яман исләр чыга торган булган. Полиция чакыртып, ишекне ватып керсәләр, фатир чүп-чар белән тулган, хайван калдыклары аунап ята ди. Волонтерлар кырык бер песи баласын коткарган. Хатын-кыз аларны базардан, интернеттагы игъланнарны күреп, бушка алып кайта торган булган.