Метеоролог язгы һава торышының кайчан башланачагын әйтте

Россиянең баш метеорологы Роман Вильфанд “Ura.ru”га биргә әңгәмәсендә илнең Европа өлешендә язгы һава торышының кайчан киләчәген әйткән.

Аның сүзләренчә, плюслы температураны 1 марттан көтәргә иртәрәк. Кыска вакытлы җылылар булуга да карамастан, Мәскәүдә һәм Урал тирәсендә кар көртләре шактый күп булачак. Җылылар исә Россиянең Европа өлешендә мартның өченче декадасында гына булачак, дип фаразлаган белгеч.