Миңнеханов Казан укучыларының кайнар туклану сыйфатын бәяләде

Президент белән бергә лицейга Казан мэры Илсур Метшин, ТР Мәгариф министрлыгы башлыгы Рафис Борһанов, лицей директоры Азат Җамалдинов һәм башка рәсми затлар килде. 

Ашханәдә Рөстәм Миңнеханов укучылары һәм хезмәткәрләр белән аралашты. Президент һәм башка кунаклар лицей укучылары ашаган ризыклардан - тавык кәтлите һәм пешкән сөләйман балыгы татып карадылар. Рөстәм Миңнеханов ассызыклаганча, мәктәп укучылары өчен әзерләнгән продуктларның сыйфаты югары дәрәҗәдә булырга тиеш. 

1224 урынлык 186 номерлы лицей 2019 елда ачылды. Хәзер биредә 1070 бала укый. Исегезгә төшерәбез, Россия Президенты Владимир Путин кече сыйныф укучыларын бушлай кайнар ризык белән тәэмин итүне йөкләде. 

Татарстан Президенты карары буенча, кече сыйныф укучыларын бушлай туклану белән агымдагы елның беренче сентябреннән тәэмин итә башлаячаклар.