#Кыскача яңалыклар 24 июля 2023, 10:29

Мәктәп укучылары шатлыктан сикерәчәк: БДИны гамәлдән чыгарачаклар

24 июля 2023, 10:29

Бердәм дәүләт имтиханын (БДИ) бетерү турындагы закон проектын Дәүләт Думасында карау планлаштырыла. Проект инициаторлары фикеренчә, БДИ нәтиҗәсез.

Скопировать ссылку

Бу хакта PRIMPRESS хәбәр итә. Закон проекты тәкъдим иткән үзгәрешләр "Россия Федерациясендә мәгариф турында"гы законга карый. Тәкьдим ителгән проект буенча, БДИ гамәлдән чыгарылачак, ә аның урынына югары уку йортларына керү өчен төп һәм урта гомуми белем бирү программалары буенча дәүләт имтиханнары кертеләчәк.

Канун проекты авторлары БДИ нәтиҗәсез һәм чыгарылыш укучыларының белем дәрәҗәсен төгәл итеп чагылдыра алмый дип раслый. Соңгы елда БДИда 300 балл җыйган чыгарылыш укучылары саны узган ел белән чагыштырганда кимегән. Инициаторлар фикеренчә, БДИның укучыларның белемнәрен бәяләү коралы түгеллеген күрсәтә.

Закон проекты кабул ителгән очракта, үзгәрешләр 2024 елның 1 гыйнварыннан үз көченә керергә тиеш. Үзгәрешләр гамәлгә кергәнче бирелгән БДИ нәтиҗәләре дүрт ел дәвамында гамәлдә булачак.

Кызыклы яңалыкларны күзәтеп бару өчен Телеграм-каналга кушылыгыз.