Мобилизацияләнгән ир әзерлек өчен күпме акча кирәклеген санаган

Нагай кушаматлы егет «Казан Экспо»да хәрби өйрәнү уза. Телеграм-каналында ул мобилизацияләнгән егетләргә үзең белән нинди әйберләр алырга һәм аларның бәяләре турында язган. 

бушлат-5700 сум.;
чалбар — 3750 сум.;
ике пар тактик перчатка - 1200 сум.;
30 литрлы тактик рюкзак-2700 сум.;
термо эчке кием (комплект)-900 сум.;
флистан тегелгән эчке кием — 1400 сум.;
ике Балаклава-1200 сум.;
шарф-600 сум.;
аптечка өчен сумка — 1700 сум.

Шулай итеп, Нагай боларның барысына да 20 350 сум акча сарыф иткән. Шул ук вакытта, аның сүзләренчә, бу бөтен чыгымнар да түгел әле. Мобилизацияләнгән кешеләргә бирелгән форма уңайсыз булганга, берцы һәм костюм сатып алырга кирәк дип саный ул.

Искәртеп узабыз, Владимир Путин өлешчә мобилизация игълан итте. Ул Кораллы Көчләрдә хезмәт иткән һәм «билгеле белгечлекләре һәм тиешле тәҗрибәсе» булган кешеләргә кагыла. Татарстанда мобилизацияләнүчеләр өчен ике югарылыктагы медицина комиссиясе оештырылды.