Әнисе кибеттә йөргән, ә баласын +32 градуслык эсселектә машина эчендә бикләп калдырган

Казанда бер кибет янында, машина кую урынында ябык автомобильләрнең берсе эчендә кечкенә баланың ачыргаланып елавын хатын-кыз ишетеп ала. Бу хакта ул социаль челтәрләрдә хәбәр итә. 
Аның сүзләренә караганда, ул машинадан нәни баланың елавын ишетеп ала һәм аның әнисен табу өчен кибеткә кергән.

"Кибеткә кереп, аны таптым, ә ул хәтта рәхмәт тә әйтмәде, коточкыч! Әгәр бер ялгызы булса, бер хәл, әмма ул әнисе белән иде", - дип шаккатып язган хатын.
Социаль челтәрдән кулланучылар әлеге вәзгыятькә карата үз фикерләрен белдергән.
"Мондый эсселектә теләсә кем, баламы, хайванмы ул, үләргә мөмкин. Полиция чакыртырга, әлеге әнине акылга утыртырга кирәк иде.
"Аны исәпкә куярга һәм аңардан баланы тартып алырга кирәк", - дип шәрехләгән казанлылар әлеге кадрларны.