#Кыскача яңалыклар 18 марта 2022, 13:08

Өч татар эшмәкәре Украинада яшәүче халкыбызга берәр миллион сум акчалата ярдәм җибәрергә уйлый

18 марта 2022, 13:08

Төмән өлкәсеннән килгән Бөтендөнья татар конгрессының Милли Шура әгъзасы Ринат Насыйров берничә татар эшмәкәренең Украинадагы кардәшләребезгә ярдәм максатыннан берәр миллион сум акча җибәрергә теләкләре барлыгын җиткерде.

Скопировать ссылку

– Украина якларында яшәп ятучы кан кардәшләребез бүген авыр хәлдә. Без үз халкыбызны ярдәмсез калдырырга тиеш түгел. Милли шура җыелышында берничә егетебез: Омскидан Әнвәр Алимбаев, Самарадан Фәхретдин Канюкаев һәм мин аларга берәр миллион сум акча җыеп җибәрергә булдык, – дигән фикер-тәкъдимен җиткерде ул Бөтенроссия татар авыллары эшмәкәрләре җыенында.
Әлеге акчалата ярдәмне тапшыру өчен Татарстан Президенты Рөстәм Миңнехановтан булышлык күрсәтүен дә сорады Ринат Насыйров.

Кызыклы яңалыкларны күзәтеп бару өчен Телеграм-каналга кушылыгыз.