#Кыскача яңалыклар 17 декабря 2020, 13:01 Уку өчен 2 минут

Оекбаш һәм чалбарында наркотик ташыган ир-атны тотканнар

17 декабря 2020, 13:01

Уку өчен 2 минут

Татарстанда Югары Ослан районында полиция стационар постында хокук сакчылары KIA автомобилен туктаталар, аны тикшерү барышында наркотиклар табыла. Бу хакта ТР буенча Эчке эшләр министрлыгы матбугат хезмәте хәбәр итә.

Скопировать ссылку

Чит ил машинасын тикшерү барышында пассажирның сул оекбашында кара төстәге матдә салынган төргәк табылган. Аның сумкасында яткан чалбарда исә шундый ук матдә белән тагын 10 пакет булуы ачыклана. Табылдыклар экспертизага җибәрелгән, ул күрсәткәнчә, бу төргәкләрдә 1068,3 грамм авырлыктагы наркотик матдәләр булган.

28 яшьлек Башкортстан кешесе кулга алынган. Егет үз гаебен таныган, Санкт-Петербургтан Ноябрьскка юлаучы машиналарга утырып баруын, биредә исә наркотикларны таратырга ниятләвен белдергән.
Әлеге факт буенча җинаять эше кузгатылган.

Фото: http://tatar-inform.ru

Кызыклы яңалыкларны күзәтеп бару өчен Вконтактега кушылыгыз.

#наркотик